تاند:(دوشنبه،د سنبلې څوارلسمه) د طالبانو د رژيم د ارشاد ،حج او اوقافو وزارت مسئولینو ویلي ،چې په کابل کې ېې د دوو درمسالونو د رغولو چارې بشپړې کړي دي.
د طالبانو د دغه وزارت مرستيال مولوي عارف الله عارف د خپل یو کلن کاري راپور د وړاندې کولو پر وخت نن وویل:«د کارته پروان او سري چند درمسالونو د ترمیم چارې بشپړې شوي»
هغه په دې اړه نور جزییات نه دي ورکړي.
په کابل کې د افغانستان د هندو باورو او سيکانو پر عبادت ځايونو له څو کلونو راهيسې بريدونه شوي،چې د مرګ ژوبلې تر څنګ ېې دغو عبادت ځايونو ته هم زيان اړولی دی.
د طالبانو له واکمنيدو وروسته هم دغو بریدونو دوام کړی،چې له هېواده د لسګونه افغان هندو باورو او سيکانو د وتو سبب شوی.