تاند( يکشنبه، د سنبلې شپږمه) په تخار کې د ینګي قلعه ولسوالۍ د طالب ښاروال په اړه خپاره شوي راپورونه څرګندوي،چې نوموړي ښوونځی تر څلورم ټولګي لوستی دی.
دغه طالب ښاروال،چې فیض بیدل نوميږي او شاوخوا ۷۰کاله عمر لري،تازه ېې خپله دنده په رسمي ډول پيل کړې ده.
خبري سرچينو د نوموړي د ټاکنې اصلي دليل له طالب مشرانو سره د نوموړي نیږدې اړیکې وې.
طالب چارواکو په دې اړه څه نه دي ويلي،خو مخکې ېې ټینګار کړی چې د دوی د جنګیالیو د ګومارلو لپاره تعليمي معيار نه،بلکې جنګي سابقه او دوی ته تعهد مهم دی.
طالب چارواکي په وروستیو کې د ادارو په مسلکي کيدو ټينګار کړی او ادعا کوي،چې تر بل هر وخت ېې ډېر مسلکي کسان پر دندو ګومارلي دي.