تاند( سې شنبه ، د سنبلې اوله) د نورستان په مرکز پارون ښار کې د وزلوبې،غېږ نيونې،کراټې، واليبال، خوسي او غشي ويشتلو سيالۍ ترسره شوې.
د طالبانو تر کنټرول لاندې د افغانستان د بدني روزنې او المپيک ملي کمېټې په جلا اعلامیو کې ويلي،چې يادې سيالۍ د هېواد د خپلواکۍ د ١٠٣ کليزې او د طالبانو د بيا واکمنېدو د لومړۍ کلیزې په مناسبت ترسره شوي دي.
سرچينه زياتوي،چې د ملي المپيک کميټې لپاره د طالبانو عمومي رییس انجنیر نظر محمد مطمئن د سياليو لوبغاړي ستایلي او د دغه ولايت د ورزشکارانو وضعیت یې له نیږدې ارزولی.
د طالبانو له واکمنيدو سره په ډېرو محرومو سيمو کې د حکومتي پاملرنې خبر ورکړل شوی.
د طالبانو منتقدین بيا باور لري،چې مخکې د نورستان په ګډون نورو سیمو د طالبانو د موجودیت بیه پرې کوله او د دوی د مزاحمت له کبله ډېرو خدماتو نه محروم پاتې وو.