تاند( سې شنبه ، د سنبلې اوله) راپورونه وايي،چې پرون د افغانستان-ازبکستان پر ګډه پوله د بلخ په شورتپه ولسوالۍ کې د طالبانو او ازبکستان د ځواکونو تر منځ وسله واله نښته رامنځته شوې ده.
خبري سرچينو په دې نښته کې د مرګ ژوبلې د احتمال خبر هم ورکړی،خو کره جزييات ېې نه دي وړاندې کړي.
ويل کيږي،چې نښته په ګډه پوله کې پر څو افغان وګړو د ازبکستاني ځواکونو له ډزو وروسته پيل شوې.
په بلخ کې د طالبانو د امنیه قومندانۍ سرچينو د دغې نښتې خبر تایید کړی.
د طالبانو او ازبکستان رسمي سرچينو په دې اړه څه نه دي ويلي.
ازبکستان د سيمې له هغو هېوادونو څخه دی،چې طالبانو سره ښې اړيکې لري،خو د داعش خراسان څانګې پرې له افغان خاورې څو ځلې د توغنديو د برید خبر ورکړی و.