تاند( شنبه ، د اسد ۲۹ مه) د طالبانو د واکمنۍ چارواکي وايي،چې هلمند ته يې د هندوستان د مرسته کړو غنمو ٢٢٠٠ مټریک ټنه ليږدولي.
د طالبانو د کرنې، اوبولګولو او مالدارۍ وزارت وايي:«دغه غنم به د کرنې وزارت د کړنلارې له مخې، د کار په مقابل کې پر مستحقو کسانو ووېشل شي.
طالبانو په دې اړه نور جزییات نه دي ورکړي.
د دوی له بیرته واکمنيدو سره د افغانستان په ډېرو جګړه ځپلو سیمو کې ځینې رغنیزې او مرستندويه پروژې پیل شوي،چې ځایي خلکو يې هرکلی کړی دی