تاند( جمعه ، د اسد ۲۸ مه) د بدخشان ولايت لپاره د طالبانو د اطلاعاتو او فرهنګ رییس معزالدین احمدي وايي چې تېره شپه د دغه ولایت د راغستان ولسوالۍ په مربوطاتو کې د درې طالب ضد وسله وال وژل شوي او يو بل ټپي دی.
نوموړي دغه وسله وال باغيان ګڼلي او ویلي،چی د طالبانو د امنیتي ځواکونو په کمین کې وژل شوي.
طالبانو د دغو کسانو د اړونډې ډلې په اړه څه نه دي ويلي.
په بدخشان او نورو شمالي ولايتونو کې د پنجشېر مقاومت ډلې تر څنګ ځينې نورې وسله والې ډلې هم د طالبانو خلاف د جګړې ادعا لري.
طالبان دوی ته د مرګ ژوبلې د اوښتو د ادعاوو پر وخت د دوی خلاف د وسله والې مبارزې موجوديت ردوي،خو خپله وخت په وخت د خپلو وسله والو مخالفانو د مرګ ژوبلې ادعا کوي.