تاند( چار شنبه ، د اسد ۲۶ مه) د هرات په مرکز کې د ۳۵ میلیونو افغانیو په لګښت د یو کانال او یو سړک د رغولو چارې پیل شوې.
په دې ولايت کې د طالبانو ځايي چارواکي وايي ،دغه سړک او کانال د هرات ښاروالۍ له بودجې رغول کېږي چې لسګونو کسانو ته په کې د کار زمینه هم برابره شوې ده.
چارواکو په دې اړه نور جزییات نه دي ورکړي.
هرات ښاروالۍ د طالبانو له واکمنيدو وروسته ډېرې ورته پروژې پيل کړي،چې خلک ېې له فعاليتونو خوښي څرګندوي.
د طالبانو ځينې نورې ورته ادارې هم په مختلفو ولايتونو کې ورته رغنیزې چارې ترسره کوي.