تاند( شنبه ، د اسد ۲۲ مه) د طالبانو د صنعت او سوداګرۍ د وزیر نور الدین عزیزي په مشرۍ د دوی یو پلاوي د روسیې پلازمېنې مسکو ته سفر کړی.
د طالبانو خبري سرچينو ويلي،چې د دغه سفر موخه د افغانستان او روسیې ترمنځ د اقتصادي او سیاسي اړیکو پراختیا ده.
د یاد شوي سفر په اړه ډېر جزییات نه دي ورکړل شوي.
روسي چارواکو او رسنيو په دې اړه څه نه دي ويلي.
د طالبانو پر ضد د مقاومت ډلې مشر احمد مسعود په یوه تازه مرکه کې د سیمې هېوادونه تورن کړي،چې د طالبانو له لوري د ورپېښيدونکو تروريستي ګواښونو له وېرې دغې ډلې سره اړيکې پالي،چې دا په اوږدمهاله توګه ترهګري نوره هم پیاوړې کوي.