تاند( يکشنبه ، د اسد ۱۶ مه) د طالبانو د ټولګټو چارو وزارت له بودجې او د قمر بنسټ په مرسته د لغمان په مرکز کې د ۶ میلیونو افغانیو په لکښت د ده زیارت پل د بیا رغونې چارې بشپړې او ګټې اخیستنې ته وسپارل شو.
د طالبانو په یوه اعلامیه کې راغلي،چې د دغه پل په جوړېدو سره ۱۵۰ کلي له مهتر لام ښار سره ونښلول شول.
اعلاميې نه دي مشخص کړي،چې د دغو پيسو څومره ېې ټولګټو چارو وزارت او څومره قمر بنسټ ورکړي.
د طالبانو له بیرته واکمنيدو سره،په ډېرو هغو سيمو کې چې پخوا د دوی د نفوذ له کبله د بیارغونې چارې له خطر سره مخامخ وې، اوس وخت په وخت د ځینو رغنیزو پروژو خبر ورکول کېږي،چې خلک ېې هرکلی کوي.