تاند( يکشنبه ، د اسد ۹ مه) د چین د بهرنیو چارو وزیر وانګ يي د شانګهای د سیمه ییزو همکاریو سازمان له غړو هېوادونو غوښتي، چې په افغانستان کې د طالبانو له واکمنې ادارې سره د تعامل او خبرو اترو د دوام په اړه پر خپلو ژمنو ودرېږي.
د هغه په وينا، دغه سازمان بايد طالبان وهڅوي، چې په افغانستان کې يو پراخ بنسټه او منځلاری دولت رامنځته کړي.
چینایي وزیر زیاته کړې، چې افغانستان له ګډوډۍ څخه د خلاصون په يوه حساس پړاو کې دی، عمومي وضعیت ښه شوی، خو جدي ننګونې لا په مخکې شته.
نوموړي ټینګار وکړ، چې افغانستان له اقتصادي ناورين څخه د خلاصون او ترهګرۍ سره د مبارزې لپاره د سیمه ییزو هېوادونو پراخې همکارۍ ته اړتيا لري.
د چین د بهرنیو چارو وزیر له خپله اړخه ویلي، چې هېواد ېې د نيشه يي توکيو د بدیلو کښتونو د لرلو لپاره د افغان کروندګرو د روزلو او افغانانو ته د ويزو ورکولو په برخه کې همکارۍ ته چمتو دی.
چینایي وزیر دا څرګندونې په داسې حال کې کړي، چې د هېواد په ګډون یې سیمه ییزو هېوادونو له طالبانو سره د ډېرو ښو اړیکو سره- سره تر اوسه د دوی له واکمنيدو وروسته دوی سره ډېرې کمې مرستې کړي او په دې دلیل ډېرې نيوکې ورباندې شوي.
د اقتصادي چارو ډېر شنونکي باور لري، چې چین او نور سیمه ییز هېوادونه له ټولو غولونکو ژمنو سره افغانستان ته د امریکا متحده ایالاتو او لویدیزو هېوادونو مرستندويه بدیلونه نه شي کیدای او طالبان نه باید نور د سیمه ییزو هېوادونو په ولکه کې پاتې شي.