تاند( يکشنبه ، د اسد ۹ مه) راپورونه وايي، چې نن سهار د کابل ښار په دهمزنګ سيمه کې درنه چاودنه شوې.
د طالبانو د کورنیو چارو وزارت ویاند عبدالنافع ټکور په کابل ښار کې د چاودنې خبر تایید کړی، خو نور جزییات یې نه دي ورکړي.
د کابل ښار د ځینو لېرې سيمو اوسيدونکي وايي، چې د چاودنې غږ تر دوی هم رسیدلی او خطرناکه ښکاري.
تر اوسه د دغې پېښې نور جزییات نه دي روښانه شوي.
اوړمه ورځ په کابل کې د شپږيزې کرکټ سياليو پر مهال هم چاودنه شوې وه، چې طالبانو پکې د څلورو نندارچیانو د ټپي کیدو او د ملګرو ملتونو سرمنشي د ۱۹ تنو د وژل کیدو خبر ورکړی و.