یادونه: که په لاندې کې ،، غږ،، ولیکم، نو موخه به ترې غږیز توری وي او د غږ( کېدی شي کله یې غږیز توری هم وبولم، چې په ګومان مې سم به هم وي)، چې یو غږ وي یا یو غږ جوړ کړي یا مورفېم، هغه به سېلبې وبولم.
پېژند: یو Diphthong دیفتونګ ( له لاتین δίς dís ،، دوه ځله،، او φθόγγος phthóngos په پښتو غږ) یو ډبل غږ له دوه بيلا بېلو غږ لرونکي تورو او یا د همهغه یوه غږ ډبل جوړ دی، چې یواځې یوه سېلبې ولري. په همهغه پوهېدنه یا همداسې دې ته ډبلغږیز یا دوه غږیز واي. دا دیفتونګ د نړۍ په نږدې ټولو ژبو کې شته.
دیفتونګونه یا دوه غږیزلرونکي یو سېلبي دي. بېلګې یې: ،، یا،، او ،، او،، ، خاورې، راوړل او نور.
دDiphthong او Hiat توپيرونه.
Hiat څه شی دی؟
Hiat ( لاتین hiatus پښتو درځ یا د غږلرونکو تورو ټکر یا سره څنګ په څنګ کېدل) په ژبپوهنه کې هغه حالت دی، چې د سېلبو بېلول دواړو لورو ته یو غږلرونکی توری یا غږ راشي. بېلګې يې: بیونه یا بیول، باور، ځناور او نور. ګورۍ ټول دوه سېبلي دي.
بېول = بې/ول/، ځناور = ځنا/ور/
تریفتونګ Triphthong:
یو تریفتونګ ( له زړې یوناني τρίφθογγος tri ،، درې،، او phthóngos ،، غږ،، یا غږ لرونکي)
یا درېغږیز یوغږی، دا په دې پوهېدنه، چې درېغږیز توري داسې یوبل پسې وي او یو غږ ولري، لکه
میاو ( د پیشو)، واورې او د اورېدلو واورې.
یووالی( دا ترېفتونګ نه دی) ځکه چې /یو/ والی/ دوه سېلبي دی.
په دې کې دې فکر وشي، چې دا څنګه جوړیږي.