تاند( دو شنبه ، د سرطان شلمه ) د طالبانو د دفاع وزیر ملا یعقوب مجاهد په یوه رسنيز شوي غږيز کليپ کې د طالبانو پر مشرانو نيوکې او له اوسني وضعيت څخه شکایت کړی دی.
هغه، چې ګومان کېږي غږيږ کلېپ یې د طالب مشرانو له کوم مخصوص ګروپ څخه ويستل شوی، د بغلان په خوست او فرنګ ولسوالۍ کې د طالب ضدو ځواکونو له لوري د طالبانو د بیرغ ښکته کیدو يادونه کوي او وايي په ځینو برخو کې طالب جنګیالي او قومندانان د خپلو مشرانو سم اطاعت نه کوي.
د هغه په وينا، د همدغې ولسوالۍ په ګډون يو شمېر سيمو ته طالب جنګیالیو او مشرانو د ورتلو او دندو تر سره کولو ډاډ ورکړی، خو بيا ورغلي نه دي.
نوموړی له نوم اخیستو پرته د طالبانو ځینې مشران په بې مسوولیتۍ تورنوي او وايي، چې په داسې حساسو حالاتو کې يا کورونو او يا د حج مراسمو ته تللي دي.
نوموړي په ضمني ډول روښانه کړې، چې د ډېرو طالب مشرانو کورونه په پاکستان او نورو بهرنيو هېوادونو کې دي.
د طالبانو وياندويانو د یاد شوي غږيز کليپ په اړه څه نه دي ويلي.