تاند- تر ۲۰۲۴ پورې هر نوی موټر چې په اروپايي اتحادیه کې پلورل کېږي، باید د آی ایس اې په نوم په سرعت ضد ځیرکه ټکنالوژۍ سمبال وي.
په اروپايي اتحادیه کې د عمومي خوندیتوب د مقرراتو پر اساس، د دې اتحادیې په ټولو غړیو هیوادونو کې د موټرو د ټولو ماډلونو لپاره دا شرط ایښودل شوی چې باید د آی ایس اې سیستم ولري. د آی ایس اې منظور د سرعت ځیرک مرستندوی.
د دې پرېکړې له مخې، د ۲۰۲۴ له جولای څخه هر موټر چې په اروپايي اتحادیې کې پلورل کېږي، باید د سرعت ضد سیستم ولري.
تمه کېږي چې دا سیستم به په سړکونو کې ترافیکي پېښې او مرګ ژوبلې کمې کړي.
د اروپا کمیسیون په یوه اعلامیه کې ویلي، موټر جوړوونکي اوس فرصت لري چې د آی ایس اې له پوټانشیله د لارو د خوندیتوب لپاره کار واخلي.
دا سیستم د موټر د سرعت د کنټرولولو لپاره په لویو لارو کې له اېښودل شویو کمرو اود جي پي ایس له معلوماتو کار اخلي.
د اروپايي اتحادیې له اټکلونو سره سم د آی ایس اې جبري کېدا به په لویو لارو د ترافیکي پېښو له کبله تلفات له ۲۶ تر ۵۰ سلنې پورې کم کړي.