تاند( سې شنبه ، د سرطان څوارلسمه ) د کندوز په امام صاحب ولسوالۍ کې نن سهار د طالبانو پر یوه رینجر د ماین چاودنې ۴ طالبان ټپيان کړي دي.
سیمه ییزې سرچینې وايي، چې دغه ماین په رنجر موټر کې ځای پرځای شوی و.
طالب وياندويانو او دغه راز د پېښې رامنځته کوونکې نامعلومې ډلې په دې اړه څه نه دي ويلي.
دوې اوونۍ مخکې هم په امام صاحب ولسوالۍ د طالبانو پر رنجر موټر ماین چاودېدلی و.
په وروستيو کې د طالبانو خلاف ورته پېښې زیاتې شوي دي.
پرون په هرات کې د طالبانو د قول اردو پر یوه کاسټر موټر برید او وروسته د بریدګرو او طالبانو ترمنځ نښته وشوه، چې طالبانو پکې د خپلو یو شمېر جنګیالیو مرګ ژوبله تاييد کړه.