تاند( دوشنبه ، د سرطان دیارلسمه ) د طالبانو استخباراتي چارواکو په هرات کې د انسان تښتونکو له منګولو د يوه تن د ژغورنې خبر ورکړی.
د طالبانو په یوه اعلامیه کې راغلي، دغه کس نن سهار انسان تښتونکو تښتولی و، چې له تښتول کیدو څخه څو ساعته وروسته بيرته را خوشې شو.
ویل شوي، چې د ياد شوي کس تښتونکی هم نیول شوی دی.
په يو بل خبر کې د طالبانو د کورنیو چارو وزارت ویلي ، چې په پروان ولایت کې ېې پوليسو يوه شپږ کسيزه ډله د تښتونو او وسله والو غلاوو په تور نیولي دي.
په وروستيو کې بيا د طالبانو له لوري د تښتول شويو کسانو د خوشې کیدو خبرونه زیات شوي دي ، چې د انسان تښتونې پېښو زیاتیدل ورسره څرګندیږي.