تاند( پنج شنبه ، د سرطان دويمه) د امریکا متحده ایالاتو د کنګرې یوې څارونکې ډلې( سيګار) د دغه هېواد د بهرنيو چارو وزارت تورن کړ، چې له افغانستان څخه د ځواکونو د ويستو په اړه اطلاعات په ناقانونه توګه ورڅخه پټوي.
د سيګار ادارې مشر جان ساپکو د امریکا د بهرنیو چارو وزارت په نامه په یوه استولي لیک کې نیوکه کړې، چې دا اطلاعات ورڅخه په غير منطقي ډول پټ ساتل کيږي.
په دغه ليک کې راغلي ، چې په ۲۰۰۸ کې د سيګار ادارې له جوړیدو راهيسې دې ادارې سره د نه همکارۍ دا چلند تر ټولو بیساری دی، تر دې چې د سيګار صلاحیتونه يې تر پوښتنې لاندې راوستي دي.
د امریکا د بهرنیو چارو وزارت وياند ند پريس بیا ويلي ، چې د سيګار له ډېرو څرګندونو سره موافق نه دي.
له افغانستان څخه د تېر ميلادي کال د اګسټ په پای کې د امريکايي ځواکونو د وتو ناڅاپي پريکړه نه يوازې په افغانستان کې خلکو ته ډېره حيرانوونکې او د پوښتنې وړ وه، بلکې په نړيواله کچه ډېر بحثونه پرې وشول او امريکايان هم ورته غوسه دي او د دې پریکړې د پایلو حساب او وضاحت غواړي.