د شينجيانګ له خوتن سيمې څخه تر چقلق ولسوالۍ پورې د ۲۷۱۲ کيلومترو په اوږدوالي په نړۍ کې د صحرا په شاوخوا کې د رېل لومړۍ پټلۍ تازه پرانيستل شوه. د شينجيانګ په جنوب کې د دغې پټلۍ په اوږدو کې د خرما، پنبې او چهارمغذ په شمول کرهنيز توليدات د پټلۍ له لارې د هېواد بېلا بېلو ځايونو ته ليږل کېږي، د مسافرو د تګ راتګ لارې نورې اسانتياوې رامنځته شوې او ځايي اوسيدونکي به د سيلانۍ او کرنې په شمول مختلفو ساحو کې ډېرې ګټې ترې ترلاسه کړي، کاري فرصتونه به ومومي او د شتمن توب لاډېر چانسونه به برابر شي.
خو په همدې وخت کې، له لرې امريکا څخه ځينې سياستوال په خپل ذهن کې د چين په شينجيانګ د اجباري کارونو په اړه خيالي دروغ جوړوي او خپروي يې.
دغو دروغجنو هېڅکله شينجيانګ له نږدې نه دی لیدلی، خو اوږد وخت يې پر چین د فشار اچولو په موخه د شيجیانګ د مسئلې په پلمه پر چين بې بنسټه تورونه لګولي دي.
په دې وروستيو کلونو کې ځينو امريکايي سياستوالو د شينجيانګ مسئلې په باره کې د چين د بدنامولو په موخه د بشري حقونو په پلمه کرکجن خبرونه خپاره کړي تر څو د شينجيانګ د مختلفو قومونو د اوسيدونکو په منځ کې توپيرونه رامنځته کړي او په اسلامي هېوادونو کې د مسلمانانو په منځ کې د چین ضد نظر رامنځته کړي. خو يوه خوا د امريکا ځيني سياستوال جعلي معلومات جوړوي، بله خوا د دغه هېواد سياستوال دغه جعلي معلومات افشا کوي. د چين په ګوانګ جو ښار کې د امريکا د قونسلګرۍ قونسل او اړوند چارواکي يو ځل د امريکايي تصديو کارکوونکو ته ويلي، چې د دغه هېواد حکومت ډېر ښه پوهېږي، چې په شينجيانګ کې د بشري حقونو خلاف مسئله بيخي نشته، د شينجيانګ مسئلې جوړول يوازې د چين د پرمختګ د مخنيوي او په چين کې د ګډوډۍ جوړولو يوه اغيزمنه لاره ده.
خو شينجيانګ هېڅکله د امريکا لخوا په چين کې د ګډوډۍ جوړولو لاره نه ده. د شينجيانګ د بېلا بېلو کچو حکومتونو د دغې سيمې د پرمختګ لپاره يو لړ پروژې جوړې کړې. د شينجيانګ پراخوالي څه باندې یو ميليون، ۶۶۰ زره مربع کيلومترو ته رسيږي او د افغانستان، پاکستان په شمول له اتو هېوادونو سره ګډې پولې لري. د ځينو کسانو په اند، په دومره لويه سيمه کې خامخه ځيني لرې ځايونه د پرمختګ له بهير څخه پاتې کېږي، خو په دې لوی شينجيانګ کې په نړۍ کې د صحرا په شاوخوا کې لومړۍ پټلۍ، د تکلاماګان له صحرا څخه جوړ شوی سړک، د تاشکورګان پر لوړې باندې لومړی هوايي ډګر او داسي عجيبې پروژې جوړې شوې. د ترافيکي شبکې د بېلا بېلو ځايونو پرمختګ هڅولی او د خلکو ژوند ته يې ګټې رسولې دي.
د شينجيانګ ښه پرمختګ په پوره توګه د امريکا دروغجن خبرونه ناکام ثابتولای شي. د امريکا ځيني سياستوال د جعلي معلوماتو جوړولو او د دغه هېواد ځيني خبري رسنۍ د جعلي خبرونو خپرولو په چارو کې ډېر «پياوړی توان» لري. خو هوښياران په دروغو باور نه کوي. امريکا غواړي په اسلامي هېوادونو کې د چين په وړاندې دښمانان جوړ کړي. خو ډېر اسلامي هېوادونه په دې پوهيږي، چې په شينجيانګ کې د بشري حقونو ستونزه نشته، خو د ترهګرۍ او توندلارې له منځه وړلو لپاره ضروري تدبيرونه عملي شوي. په دې توګه څه موده مخکې د ملګرو ملتونو د بشري حقونو د شروا په ۵۰مه غونډه کې نژدې سلو هېوادونو له امريکا سره مخالفت کړی، چې د بشري حقونو په پلمه د چين په کورنيو چارو کې مداخله کوي.
په هر حال کې چې امريکا په شينجيانګ کې د بشري حقونو په اړه جعلي معلومات جوړوي. خو شينجيانګ لا هم د ښه پرمختګ په تمايل کې دی او د بېلا بېلو قومونو خلک په دې سيمه کې د پرمختګ له کاروانه ګټې اخيستلی شي. همدا رېل پټلۍ يې ښه مثال دی چې په شينجيانګ کې جوړه شوې ده.