تاند(دوشنبه، د جوزا ۱۶ مه) په کابل کې د طالبانو امنیه قومندانۍ د نن مازيګر د چاودنې پر مهال د یو شمېر ملکي وګړو ټپي کیدل تایید کړل.
په کابل کې د طالبانو د امنیه قومندانۍ ویاند خالد ځدراڼ ويلي:« نن مازدیګر د ۴ حوزې په مربوطاتو کې په یو بایسکل کې د ځای پر ځای شوو چاودېدونکو توکو د انفجار له امله چاودنه رامنځته شوې ده ، چې پکې زموږ یوشمېر عام هیواد وال زخمیان شوي دي.»
د هغه په وينا، سیمې ته د طالبانو امنیتي ځواکونه رسیدلي د پیښې په اړه پلټنې روانې دي.
د چاودنې مسوولیت چا پر غاړه نه دی اخیستی.
دا په کابل کې له څه موده ځنډ څخه وروسته چاودنه ده، چې رامنځته کیږي.