تاند- جاپاڼي څېړونکو  په یوه ثانیه کې د ۱۰۲ پټا بایټه (Pb/s) داټا په لېږدولو د انترنیټ په سرعت کې یو نوی ریکارډ جوړ کړ.

د جاپاني څېړونکو په دې بریا کې په زړه پورې دا ده چې دا کار یې له نوري فایبر څخه په استفادې کړی دی.

یو پټا بایټ د یو میلیون ګېګابایټ برابر دی؛ د دې معنا دا ده چې نوی ریکارډ په کورونو کې له کارول کېدونکي انترنیټ څخه کابو ۱۰۰ زره برابره چټک دی.

د څېړونکو په وینا په (Pb/s)  سرعت په 8K روزولوشن (روښانوالي) يه ثانیه کې ۱۰ میلیونه ویډیوګانې خپرېدای شي، په بله ژبه، یوازې په ۲ ثانیو کې ۱۰۰۰ د لوړ کیفیت 4J فلمونه ډاونلوډ کېدای شي.

دا ریکارډ د جاپان د معلوماتي او مخابراتي ټکنالوژۍ د ملي موسسې (NICT) د څېړونکو له لوري ثبت شوی دی.