تاند(شنبه، د ثور ۳۱ مه) د طالبانو ځواکونو په هرات کې دوه ماشومان د انسان تښتوونکو له منګولو آزاد کړل.
په دې ولايت کې د طالبانو د امنیې قوماندانۍ چارواکي وايي چې امنیتي ځواکونو یې په انجیل ولسوالۍ کې عملیات ترسره کړي چې په پایله کې یې دوه ماشومان د انسان تښتوونکو له منګولو آزاد کړي دي.
سرچینه زیاتوي، چې د دې قضیې په تړاو یو تن نیول شوی دی.
د طالبانو له واکمنیدو سره په افغانستان کې د انسان تښتونې او نورې جنايي پېښې زیاتې شوي دي.
طالبانو بيا د ډېرو پېښو د عاملینو د نیولو او تښتول شویو کسانو د خوشې کیدو خبر ورکړی دی.
اقتصادي ناورين، شديده بې کاري او د منظمو او مسلکي امنيتي ځواکونو نه موجوديت د دغه وضعیت عمده لاملونه ګڼل شوي دي.