شنبه, جولای 20, 2024
Homeخبرونهحقاني: مخالفین دې خبرو ته راسره کیني، نړۍ دې ملاتړ نه ورڅخه...

حقاني: مخالفین دې خبرو ته راسره کیني، نړۍ دې ملاتړ نه ورڅخه کوي

تاند:( چار شنبه، د ثور يو ويشتمه) ‏طالبان وايي، چې د کورنیو چارو وزارت سرپرست يې سراج الدین حقاني د ‎افغانستان لپاره د اروپایي ټولنې ځانګړي استازي توماس نیکولسن سره لیدلي دي.

د حقاني مطبوعاتي دفتر وویل، په دې کتنه کې د امنیتي مسایلو ترڅنګ؛ په بهر کې د چاپ شویو افغان پاسپورټونو په رالېږد هم خبرې وشوې، چې نیکولسن د یادو پاسپورټ ورقو په رالېږد کې د اسانتیاوو برابرولو او همکاري ژمنه وکړه.

سرچينه زياتوي:« نیکولسن په خپلو خبرو کې دافغانستان امنیت د د سېمې او نړۍ لپاره ډېر مهم وګاڼه چې حقاني هم د امنیت په برخه کې له خپل اړخ څخه پوره ډاډ ورکړ.»

حقاني په خپلو خبرو کې یادونه وکړه چې دوی د دوحې هوکړې پر اساس هېچاته اجازه نه ورکوي، چې بل هېواد ته له ‎افغان خاورې ګواښ پېښ کړي.

هغه زياته کړې: په کور دننه مخالفینو ته مو همیشه د خبرو اترو دروازې پرانیستې دي او له نړۍ څخه هم غواړو چې په افغانستان کې دهېڅ کومې مخالفې وسله والې ډلې ملاتړ و نه کړي.

د طالبانو د اعلامیې په اساس، نیکولسن په خپلو څرګندونو کې د نړۍ امنیت د افغانستان له ثبات سره تړلی ياد کړ او ژمنه یې وکړه، چې هېڅکله به هم په ‎افغانستان کې د وسله والو مخالفانو ملاتړ و نه کړي.

دا لومړی ځل دی، چې طالبان د خپلې نهه مياشتينۍ واکمنۍ په موده کې خپلو وسلو والو مخالفانو ته د داسې بې قید و شرطه خبرو وړاندیز کوي.

په وروستيو کې د دوی د واکمنۍ پر ضد وسله والو فعالیتونو زور اخيستی او ويل کيږي، چې نرمښت یې د همدغو وسله والو فشارونو نتیجه ده.

LEAVE A REPLY

Please enter your comment!
Please enter your name here

- Advertisment -

ادب