د هند غوره ليګ سياليو په لړ کې وړمه شپه د دې ليګ ۵۰ سيالي د ډيلي او سنرايزرز حيدراباد لوبډلو ترمنځ ترسره شوه. سنرایزرز حېدراباد د سيالۍ ټاس وګاټه او خپله یې ډګر ساتنه غوره کړه.
د سنرايزرز حيدراباد لپاره دا پرېکړه ښه ثابته نه شوه.
ډیلي کاپیټلز په ټاکلو ۲۰ اورونو کې د ۳ لوبغاړو په سوځېدو سيالې لوبډلې ته د ۲۰۷ منډو هدف په واک مې ورکړ، چې له ډلې یې ډیویډ وارنر ۹۲ ناسوځېدلې او رومان پاول ۶۷ ناسوځېدلې منډې جوړې کړې.
Undefeated at Brabourne, and the 𝒋𝒐𝒔𝒉 continues to be 𝒉𝒊𝒈𝒉 🙌#YehHaiNayiDilli | #IPL2022 | #DCvSRH#TATAIPL | #IPL | #DelhiCapitals pic.twitter.com/ZPPO8NlHEt
— Delhi Capitals (@DelhiCapitals) May 5, 2022
سنرايزرز حيدراباد لوبډلې د ۲۰۸ منډو هدف په تعقیب سره په ټاکلو ۲۰ اورونو کې د ۸ لوبغاړو په سوځېدو ايله ۱۸۶ منډې وکړې او دا سيالي يې د ۲۱ منډو په توپیر ډیلي کاپیټلز ته بايلوده.
ډیلي لوبډلې ته په توپ غورځوونه کې خلیل احمد ۳، شردل ټاکر ۲، انریک نورجه، میچل مارش او کلدیپ یادو بيا ۱-۱ ویکټ واخیستې.
د ډیلي کاپیټلز لوبډلې دا ۱۰مه بيالي وه چې ۵مه بریا یې پکې خپله کړه.
ډيلي لوبډله د ۱۰ نومرو سره په جدول کې پنځمه لوبډله شوه.
د سنرایزرز حېدراباد هم دا ۱۰مه سيالي وه، چې پکې له پنځمې ماتې سره مخ شوه او د ۱۰ نومرو سره په جدول کې شپږمه لوبډله ده.
نن شپه د ای پي ایل ۵۱مه سيالۍ کې د راشد خان لوبډله ‘ګجرات ټایټنس’ او ‘ممبۍ انډینز’ لوبډلو ترمنځ ماښام شپږ نيمې بجې سيالي ترسره کېږي.