تاند(چهارشنبه، د ثور ۱۴مه) د پروان ولایت په شینواري ولسوالي کې د سیل د جاري کېدو له کبله درې ماشومان مړه شوي دي.
په پروان کې د طالبانو امنیتي چارواکي وايي، تېره شپه د شینواري ولسوالي په بېلابېلو برخو کې سیلونه راغلل چې په نتیجه کې یې ۳ ماشومان مړه شوي او ۳ نور ژوبل دي.
د طالبانو د امنیتي چارواکو په وینا، دې سېل د شینواري ولسوالۍ خلکو ته زیات مالي تاوانونه هم اړولي دي.
د سېل له کبله د غوربند- بامیان عمومي سړک بند شوی دی.
سیمې ته تخنیکي ټیم استول شوی چې لاره پاکه کړي او زیانمن شوې سیمې له نژدې وویني.
د هوا پېژندنې ادارې مخکې تر مخکې په ۲۷ ولیاتونو کې د بارانونو او په یو شمېر سیمو کې د سېلونو د جاري کېدو اټکل کړی و.