تاند:( جمعه، د ثور دويمه) راپورونه وايي، چې د کندوز ولايت په امام صاحب ولسوالۍ کې پر یوه جومات چاودنه شوې ده.
ځايي خلکو ويلي، چې دغه چاودنه نن مازيګر شاوخوا پینځه بجې شوې.
تر اوسه د دې چاودنې د څرنګوالي او دقیق ځای په اړه نور جزییات نه دي ورکړل شوي.
معلومه نه ده، چې دا چاودنه د اهل تشيع او که نورو افغانانو په جومات شوې ده؟
د چاودنې مسوولیت هم تر اوسه چا په غاړه نه دی اخیستی.
د طالبانو ځايي چارواکو په دې اړه څه نه دي ويلي.
په وروستيو کې د افغانستان له مختلفو ولايتونو څخه پر جوماتونو د چاودنو خبرونه زيات شوي.
په يوه بل تازه خبر کې له نورو جزيياتو پرته ويل شوي، چې د کابل ښار پر دارالامان سړک د کفايت سنټر مخې ته درنه چاودنه شوې ده.
د دې چاودنې په اړه هم نور جزییات نه دي ورکړل شوي.