تاند:( یکشنبه، د حمل ۲۸ مه) د طالبانو امنيتي چارواکو ويلي، چې ځواکونو يې د پکتیا په ډنډ پټان ولسوالۍ کې پاکستان ته په غیر قانوني ډول د ۲۴۰ پسونو د لېږد مخه نیولې ده.
د طالب چارواکو د معلوماتو له مخې، د پسونو د لېږد په تړاو دوه تنه هم نیول شوي دي.
دا په داسې حال کې ده، چې يو شمېر خلک په پراخه کچه پاکستان ته د افغانستان د وسلو، پوځي تجهيزاتو او حتا قیمتي دولتي موټرو د پراخ قاچاق ادعاوې لري.
د طالبانو چارواکو په ټیټه کچه د وسلو د قاچاق هڅې تاييد کړي، خو ویلي چې د مخنیوي لپاره یې عملي ګامونه اخيستي او یو شمېر تورن کسان يې نيولي دي.
په وروستیو کې پر افغانستان د پاکستان پراخو هوايي او ځمکنيو بريدونو ته په غبرګون کې د طالب چارواکو نرم دریځي د دوی او پاکستان د اړيکو په اړه د ډېرو بحثونو او ادعاوو سبب شوي دي.
طالب چارواکو او مطبوعاتي مبلغينو بيا په دې اړه د خپل دریځ دفاع کړې ده.
نو دا مو هم خپاروو دا هېواد کې چې هره ورځ خلکدله لوږې مري او ژوند په ټول ولس سخت شوی دوی توره کړي پسونه یې نیولي