تاند:( یکشنبه، د حمل ۲۱ مه) د احصایې ملي ادارې چارواکي وايي، چې د طالبانو د واکمنۍ له پیل راهیسې په ټول هېواد کې د برېښنايي پېژند پاڼو د وېش مرکزونه فعال شوي او له یو نیم میلیون ډېرې برېښنايي تذکرې وېشل شوي دي.
د طالبانو اړوند باختر خبري اژانس په دې اړه لیکلي، چې دا مهال په مرکز او ولایتونو کې د برېښنايي پېژندپاڼو د وېش ۷۳ مرکزونه فعال دي.
طالبان په دې برخه کې د خدمتونو دوام خپله مهمه لاسته راوړنه ګڼي، خو منتقدین یې باور لري چې دوی د بريښنايي تذکرو ویش ته يوازې د يوې عايداتي وسيلې په توګه ګوري او پاملرنه ورته لري.
د طالبانو منتقدین د معارف، صحت او نورو لومړنيو خدمتونو د کيفيت خرابیدل او يا په ټپه دریدل یادوي، چې په وینا یې دوی پکې پاتی راغلي دي.
د بريښنايي تذکرو د وېش مرکزونو ته تلونکي کسان هم شکایت لري، چې طالبانو په ډېرو مرکزونو کې د روزل شويو متخصصينو پر ځای خپل ملایان ټاکلي، چې له ټيکنالوژۍ سره سمه بلدتيا نه لري او هم په مختلفو پلمو ترې د رشوت تمه لري.
طالبان بيا په دې اړه ادعاوې بې بنسټه بولي.
ښه! تاسي او خدای د تير رژيم کسانو په تذکره کښي پښتو صحيح ليکلی شوی
لږ د سترګو نه د تعصب چشمي لرې کړئ