تاند:( پنجشنبه، د حمل ۱۸ مه) د طالبانو د بهرنيو چارو وزارت وايي، چې د دوهم سياسي رياست مشر يې فيضان الله ناصري د ایران د سفارت له مسولينو سره د افغان کډوالو په اړه خبرې کړي.
دغه وزارت ويلي، چې په دې کتنه ناصري په ايران کې له افغان مهاجرينو سره د ياد هېواد د سرحدي او انتظامي ځواکونو د ناسم چلند اړوند خبرې وکړې.
سرچينه زياتوي:« فیضان الله ناصري په یاده برخه کې له ایراني مسوولینو سره د افغانستان د حکومت او ولس اندیښني او احساسات شريک کړل چې ایراني مسوولین يې خپلو لوړ پوړو مقاماتو ته ورسوي.»
ویل شوي، چې په غونډه کې دواړو لورو د داسې کړنو پر مخنیوي ټینګار وکړ چې د دواړو هېوادونو او ملتونو د خوا بدۍ لامل کېږي.
د طالبانو له واکمنیدو سره هره ورځ په زرګونه افغانان په قانوني او قاچاقي ډول ایران ته روان دي، خو ځینې اسناد او راپورونه ښيي چې ایراني چ
ځواکونه دوی سره ناوړه چلند کوي.
څو ورځې مخکې د افغانستان او ایران پولې ته نيږدې پر یوه افغان ماشوم د ایراني پوله ساتو د زور زياتي او جنسي تیري خبر ورکړل شوی و.