تاند:(يکشنبه، د حوت ۱۵ مه) د طالبانو د واکمنۍ د بهرنيو چارو وزير مولوي امیر خان متقي وايي چې طالبان د افغانستان د پر ځان بسياينې او د اقتصاد او اتصال په مرکز د بدلولو لپاره یې کار کوي.
د نوموړي دفتر ويلي، چې متقي دا څرګندونې له یو شمېر بهر مېشتو افغان متخصصانو، سوداګرو او ښځينه وو سره د لیدنې پر مهال کړي دي.
د سرچينې د معلوماتو له مخې، په دې کتنه کې د افغانستان د سیاسي او اقتصادي وضعیت، تعليمي بهير، د بهر مېشتو افغانانو له وړتياوو څخه په استفادې او د طالبانو په واکمنۍ کې د مثبتو بدلونونو او د هغو د ساتنې په اړه خبرې کړي دي.
طالبانو ادعا کړې، چې د ناستې ګډونوالو يې د ښځو پر وړاندې د سياستونو په ګډون د واکمنۍ له کړنو څخه دفاع کړې ده.
د طالبانو د واکمنۍ د بهرنيو چارو وزير په دې لیدنه کې ویلي، چې د بهر مېشتو له وړتياوو څخه به د خپلې واکمنۍ د پیاوړتیا لپاره ګټه واخلي.
طالب چارواکو په وروستيو کې د اقتصاد او اتصال په مرکز د افغانستان د بدلولو تر څنګ هېواد ته د بهر مېشتو افغانانو د ستنیدو خبرې ډېرې کوي.
دا په داسې حال کې ده، چې ورځ تر بلې دوی د حکومت له چوکاټه متخصصين باسي او پر ځای یې خپل ملايان پر دندو ګوماري او له هېواد څخه د افغان کادرونو او ځوانانو د تېښتې لړۍ په چټکيدو ده.
البته د تعویض او چف و پف په زور.