تاند: ( سې شنبه، د کب لسمه) سرچينې وايي، چې د کابل ولايت د ترافيکو پخواني رئيس جنرال نظام الدين خیرخواه له هغه وروسته، چې طالبانو يې د کور په کور پلټنو په لړ کې کور پلټلی، سکته يې کړې او مړ شوی دی.
نوموړي ته نيږدې سرچينو ادعا کړې، چې طالبانو د دغو پلټنو پر مهال زور زیاتی کړی.
جنرال نظام الدين د تېر جمهوري نظام پر مهال د کورنيو چارو وزارت د ترافيکو عمومي رییس پاتې شوی و.
طالبانو په دې اړه د شویو ادعاوو په اړه څه نه دي ويلي.
دوی مخکې د دغو عملياتو پر مهال خلکو سره ناوړه چلند رد کړی دی.
په کابل او یو شمېر نورو ولايتونو کې له تېرې جمعې ورځې راهیسې د کور په کور پلټنو عمليات پيل کړل، چې د هرکلي ترڅنګ پرې په نړیواله کچه نیوکې هم شوي دي.
طالبانو بيا په دې عملياتو کې د پراخو لاسته راوړنو خبر ورکړی.
غل وو او که متعصب؟ سوال دی. خدای دی وکړی دریمخی یی دتوطیی په ډول استعمال نکړی.