تاند- له نن څخه ۱۰۳ کاله پخوا د ۱۹۲۱ م کال د مارچ په لومړۍ نېټه ترکیې د افغانستان له مترقي پاچا اعلحضرت امان الله خان سره د افغانستان ترکیې د دوستۍ تړن لاسلیک کړ.
له دې کابو درې میاشتې وروسته، یعني د جون په لسمه نېټه د افغانستان سفارت په ترکیې کې پرانستل شو او د ترکیې موسس کمال اتاترک په خپلو لاسونو د افغانستان بیرغ د سفارت پرسر پورته کړ.
افغانستان لومړنی هیواد و چې د ترکیې نوی تاسیس شوی جمهوریت یې په رسمیت وپېژاند او امان الله خان لومړنی بهرنی پاچا و چې د ۱۹۲۸ میلادي کال په مې میاشت کې یې ترکیې ته سفر وکړ.
ترکیې له اعلحضرت امان الله خان سره د ترکیې په دې سفر کې د تخنیکي همکاریو لومړنی موافقه لاسلیک کړه.
له افغانستان سره د ترکیې نژدې همکارۍ د دوهمې نړیوالې جګړې تر پیلېدو پورې روانې وې. د افغانستان او ایران ترمنځ د منځنۍ برخې پوله د ترکیې د را استول شوي پلاوي له خوا له ۱۹۳۴ تر ۱۹۴۵ میلادي کلونو ترمنځ تنظیم شوه. کله چې اتاترک په ۱۹۳۸ مېلادی کال مړ شو، نو افغانستان یوازینی هیواد و چې د بیرغ په نیم ځوړند کولو سره یې د یوې اوونۍ لپاره په هیواد کې په رسمي ډول ویر اعلان کړ.
سلامونه،
تاندوال صاحبانو! ښې چارې
د هغه یو ورور خبره ، دپیښو د دقیقو نیټواو تاریخونو په لیکلو کې احتیاط کوئ:
بیلګه: دهمدې لیکنې پیل کې،له ڼن نه ۱۰۳ کاله پخوا د ۱۰۲۱؟م کال …
صحيح ې: ۱۹۲۱م کال!
بله څرګندوءنه مې: د ورور هیواد ترکيې اوسنی سیاست او دوستي لا هم د م.م.م. د ځانګړو استازو په تعينولو دوام لري ؛ صرف تنکی زلمیان مو دې نه ځوروي او له تیرو مفسدینو، غاصبینو زکات واخلي!!!