تاند: ( شنبه ، د دلوې دېرشمه) د هندوستان صدراعظم نریندرا مودي نن په دغه هېواد کې له مېشتو يو شمېر افغان هندو باورو او سيکانو سره لیدلي دي.
د دغې لیدنې په خپرو شويو عکسونو کې لیدل کیږي، چې مودي ته د افغان هندو باورو او سيکانو له لوري افغاني پګړۍ او چپنه ډالۍ شوې ده.
د دغې لیدنې په اړه نور جزییات نه دي خپاره شوي.
بل لور ته ويل کيږي، چې هندي صدراعظم د هندو باورو له یو شمېر مذهبي مشرانو سره د لیدنې پر مهال ويلي، چې له افغانستان څخه د خپل مذهبي کتاب”گورو گرانت صاحب” د لیږد پلان لري.
مودي ويلي، چې د ياد شوي کتاب په اړه یې خبرې کړي او په پام کې ده، چې ياد شوی اثر په يوه ځانګړې الوتکه کې هندوستان ته ولېږدول شي.
د طالبانو د حکومت چارواکو د مودي د يادو څرګندونو په اړه څه نه دي ويلي.