تاند: ( پنجشنبه، د دلوې اته ویشتمه)د طالبانو د هرات والي مولوي نور احمد اسلام جار ويلي، چې په افغانستان کې به د ټاپي پروژې چارې په نيږدې ورځو کې پيل شي.
نوموړي ويلي، چې په دې اړه په هرات کې د ترکمنستان سر قونصل او دغه راز د ټاپي پروژې مسوول ورسره ليدلي او خبرې يې سره کړي دي.
هرات والي ويلي، چې تمه کيږي د يادې پروژې چارې په راتلونکي مارچ میاشت کې پیل او ورسره د دې ولايت د بریښنا ستونزه حل شي.
ويل شوي، چې د ټاپي پروژې چارې به له هرات ولايت څخه د يو سلو پنځوس کيلو متره په اوږدوالي پيل کړل شي.
په دې اړه نور جزییات نه دي ورکړل شوي.