تاند: ( جمعه ، د دلوې دوه ويشتمه) د طالبانو د حکومت وياند ذبيح الله مجاهد وايي، چې په افغانستان کې نیول شوي بهرني اتباع بیرته خوشې شوي دي.
نوموړي پرته له دې، چې د نیول شویو کسانو هويت او شمېر وښيي، ويلي: هغه بهرني اتباع چې ځانونه يې یوې نړیوالې مؤسسې ته منسوبول، له دې امله چې پيژند پاڼې، جوازنامې او لازم اسناد يې نه درلودل، توقیف شوي وو.
د طالبانو د حکومت وياند زياتوي، چې نيول شوي بهرني اتباع په ښه حالت او له خپلو کورنیو سره په اړیکه کې وو.
د ذبیح الله مجاهد په وينا، دغه کسان د هویت د تثبیت او له مسئولې مرجع څخه تر اطمینان وروسته همدا اوس بیرته خوشي شول.
نن ځينو رسنيو راپور ورکړ، چې په افغانستان کې د بي بي سي د یوه پخواني خبریال په ګډون ۹ بهرني اتباع نيولي وو.