تاند: ( جمعه ، د دلوې دوه ويشتمه) د پاکستان صدراعظم عمران خان له یوې چینايي رسنۍ سره په تازه مرکه کې په افغانستان کې د امريکا د پوځي حضور په اړه خبرې کړي دي.
نوموړي ويلي، چې له لومړي سره یې په افغانستان کې د امريکا د پوځي ناکامۍ وړاندوينه لرله، ځکه امريکايان نه پوهیدل، چې په افغانستان کې يې روښانه هدف څه دی او څه تر لاسه کول غواړي؟
پاکستاني صدراعظم د افغانانو په اړه ویلي، چې هیڅکله د پردو حکومت ته غاړه نه ږدي او هیڅوک پر دوی حکومت نه شي کولای.
نوموړي دا هم ویلي، چې په افغانستان کې د امريکا پوځي ماموريت بايد د القاعدې ډلې د مشر اسامه بن لادن له وژل کيدو سره پای ته رسیدلی وای.
د يادونې وړ ده، چې د امريکا ياد شوی ماموريت په ښکاره، د نوموړي د ځپلو لپاره په افغانستان کې پیل شوی و، خو بن لادن په پاکستان کې پټ و او هملته په يوه مهمه پوځي سيمه کې ووژل شو.
دا په داسې حال کې ده، چې ډېری امریکایي او افغان سیاستوال په افغانستان کې د امريکا د پوځي ماموريت د ناکامۍ اصلي دلیل د پاکستان دوه ګونی رول یادوي.
رښتیا؟ تالیبانو ستاسو غلامۍ ته ولې غاړه ایښې؟