تاند: ( جمعه ، د دلوې دوه ويشتمه) د هلمند د ناوې ولسوالۍ اوسېدونکو پخپل شخصي لګښت د عمومي بغرا په نوم د یوه کانال د پاک کارۍ چاري پیل کړې.
د ناوې ولسوالۍ ځايي اوسېدونکي وايي : دا کانال د تیرو لسو کلونو راهیسې نه و کارول شوی ، چي له امله يي اوبه ضایع کېدې او د خلکو مځکو زیم ترې اخیستی.
د دغه کانال او پاک کارۍ په اړه یې نور جزیات نه دي ورکړل شوي.
په افغانستان کې پخوا ورته ټولګټې پروژې تر ډېره ولسي خلکو ساتلې او پاللې، خو په تېرو څو لسيزو کې جګړو ولسي جوړښتونه او ارزښتونه یې زيانمن او په ټولنیزو چارو کې د خلکو ګډون او مسووليت منل کمرنګه کړل.