تاند: ( چار شنبه ، د دلوې ديارلسمه) طالبان وايي، چې
د استخباراتو ځانکړو ځواکونو يې په خوست ولايت کې د کشفي معلوماتو پر اساس ۲۵ ام ۱۶، ۵ ام ۴، ۶ کلاشینکوفونه، ۱۷ تومانچې، دوه شپني دوربینونه او سلګونه بېلابېل ډوله ګولۍ ترلاسه کړې.
د طالبانو په يوه اعلاميه کې راغلي، چې دغه وسلې او مهمات بهر ته قاچاق کېدل چې په تړاو
یې یو تن هم نیول شوی دی.
سرچينې په دې اړه نور جزییات نه دي ورکړي.
څو ورځې مخکې بي بي سي پښتو یوه راپور کې له پاکستان څخه افشا کړه، چې افغانستان نه پریمانه وسلې او تجهيزات دغه هېواد ته قاچاق کیږي، تر دې چې هلته ېې د وسلو د کاروباریانو کار خراب کړی دی.
طالبانو بیا په دې اړه راپورونه رد کړي دي.