تاند:( سې شنبه، د دلوې پینځمه) د پښتونخوا ملتپاله پښتانه او د پاچا خان فکري لارویانو سږ کال د نوموړي د تلین په مناسبت د پاچا خان اونۍ په نوم اعلان شوې اونۍ يوازې ونمانځله.
مخکې کلونو کې د پښتونخوا ډېری ملتپالو د ډیورنډ کرښې دې غاړې ته د يادې اونۍ د پرتمینې نمانځنې لپاره سفرونه کول.
د پاچا خان مقبره په جلال اباد ښار کې ده، چې د جمهوري نظام په وروستيو مياشتو کې په اساسي ډول ورغول شوه.
سږ کال د طالبانو د واکمنۍ له کبله د ډېرو نورو فرهنګي او ملي مناسبتونو په شان د پاچا خان اونۍ هم ونه نمانځل شوه.
د پښتونخوا ملتپال سياستوال د طالبانو سرسخت منتقدین دي او دوی د پاکستان په لاس هغه جوړه شوې افراطي ډله ګڼي، چې د پښتنو په نوم د پښتنو د فرهنګ او ارزښتونو د ختمولو لپاره هڅه کوي.
د يادونې وړ ده، چې پاچا خان د استعمار ضدې مبارزې او پښتنو ته د تعليم او خپلواکۍ د ستونزمنې مبارزې له کبله په نړیواله کچه ډېر مشهور دی او درناوی ورته کیږي.
هغه د پاکستان له سرسختو مخالفانو څخه و، چې د شنونکو په باور په همدې دليل به د طالبانو ښه نه راځي او نه يوازې خپله یې د فخر افغان په توګه درناوی نه کوي، بلکې نورو ته هم د هغه د درناوي او نمانځنې اجازه نه ورکوي.
یو غولوم، سپی، دی پیشټنو دشمن
کوله د پشتنو دروند موشر لمانځلی شو
پنجاپی بودار یی کوله پریږدی
په کونه ویرته ډانګ ننبوسی
لویه جفا ده!