تاند:( جمعه، د دلوې لومړۍ) د تخار په یوه جومات کې نن د طالبانو له لوري د ټاکل شوي ملا امام د معرفۍ پر وخت د وسله والو طالبانو ځايي خلکو د نښتې خبر ورکړل شوی.
ويل شوي، چې طالبانو د تخار د مرستيال والي ملا جان محمد په لارښوونه د تالقانو ښار یوه جومات ته نوی ملا معرفي کاوه، چې ځايي خلکو یې مخالفت کړی.
په ټولنیزو رسنیو کې یوه خپره شوې ویډیو څرګندوي، چې د نوي ملا د معرفۍ اعلان نن د جمعې ورځې د لمانځه پر وخت کيږي او د لمانځه ډېری ګډونوال یې مخالفت کوي.
له دې سره پر لمونځ کوونکو د طالبانو د ډزو او یو شمېر کسانو د مرګ ژوبلې خبر هم ورکړل شوی.
طالبانو په دې اړه رسنيو ته څه نه دي ويلي.
د طالبانو له واکمنیدو سره، دوی حتا یو زیات شمیر هغه ملایان هم له دندو ګوښه او پر ځای يې طالب ملايان ټاکلي، چې د جمهوري نظام پر مهال يې د طالبانو پلوي کوله.
يو شمير داسې ګوښه کړل شویو ملايانو په رسنيزو شويو ویډیوګانو کې طالبان د واک لپاره په جګړې تورن کړي او ويلي، چې پر غير طالب ملایانو ېې حتا د جوماتونو ملاتوب هم نه لوريږي.