تاند:( چار شنبه، د جدي نهه ویشتمه) د طالبانو چارواکي وايي، چې په دې ولایت کې د دوی یو سیمه ییز قومندان او د هغه د زوی په ګډون شپږ کسان وژل شوي دي.
په کونړ کې د طالبانو استخباراتي مسوولینو ویلي چې د دغه ولایت په نرنګ ولسوالۍ کې د یو وسله وال کس په ډزو د دوی د یو سیمه ییز قومندان او د هغه د زوی په ګډون شپږ کسان وژل شوي دي.
چارواکو د دې پېښې انګېزه شخصي دښمني بللې ده.
چارواکو د پېښې په اړه نور جزییات نه دي ورکړي.
ځینې خلک په ورته پېښو کې وژل شوي طالب چارواکي د خلکو په شخصي ناندريو کې په لاس وهلو تورنوي او وايي، چې په داسې ناندريو کې د دوی ښکېلتیا د ورته پېښو سبب ګرځي.