تاند- له نن څخه ۳۵ کاله پخوا د ۱۹۹۱ د جنورۍ په ۱۶ مه د خلیج جګړه پیل شوه چې د عراق له لوري د کویت اشغال پای ته ورسوي.
د عراق د صدام حسین رژیم د ۱۹۹۱ د اګست په دوهمه پر کویت یرغل وکړ، دا کوچنی عربي هیواد یې په څو ساعتونو کې ونیوه. صدام حسین د کویت له نیولو وروسته هغه د خپل هیواد یو ولایت اعلان کړ.
په کویت کې د صدام حسین د رژیم د ځواکونو پر ضد د مقاومت په لړ کې ۴۲۰۰ کویټي ځواکونه ووژل شول.
د کویت امیر شیخ جابر الاحمد الصباح او کورنۍ یې سعودي عربستان ته پناه یووړه.
عراقي پوځیانو د کویت له نیولو سره سم د دغه هیواد له بانکونو تر یو نیم ملیارد ډالره زیاتې بیسې، سره زر او هنري اثار لوټ کړل.
د بشري حقونو د ټولنو په وینا عراقي پوځیانو سلګونه کویتیان بې محاکمې ووژل او سلګونه نور عراق ته بیول.
خو د همدغه کال په همدې ورځ (جنوري ۱۶) د امریکا په مشرۍ د لوېدیځ ايتلاف له لوري د صدام حسین د رژیم پر ځواکونو بمباري پیل شوه او د فبرورۍ تر ۲۸ پورې یې دوام وکړ. په نتیجه کې یې نامعلوم شمېر عراقي پوځیان ووژل شول. ځینې د عراقي پوځیانو مرګ ژوبلې لسګونه زره ښيي.
د عراق د حکومت سلګونه الوتکې او زرګونه ټانکونه، زغرګاډي او وسایط ویجاړ شول.
صدام حسین، چې کویت یې له لاسه ورکړی و، د بغداد د بایللو د وېرې په خاطر د خپلواک هیواد په توګه د کویت په رسمیت پېژندلو او اوربند ته غاړه کېښوده.
صدام د سیمی د هیوادونو د مشرانو له ډلی څخه تر ټولو مرموز او احمق مشر ؤ. صدام د همدې امریکائیانو په ضمنی اِشاره او ظاهری رضائیت پر کویټ حمله وکړه څو د امریکائی امپریالیزم د راتلونکو شومو پلانونو د پلی کولو لپاره زمینه مساعده کړی. صدام د کویټ څخه د وتلو وروسته بیا هم د امریکائیانو د مصلحت په اساس لس کلونه نور په واک کی پاتی سو څو د بندیزونو په پلمه د عراق یو میلون انسانان د ناروغۍ له امله تلف سی.
صدام فقط یو هالیووډی قهرمان! ؤ او په حقیقت کی یو جعلی قهرمان ؤ.
صدام او حافظ اسد که څه هم دواړه د یوه ګوند ( چی وروسته ئې انشعاب وکړ ) غړی وه او زموږ پر هیواد ئې د شوروی د یرغل د غندلو څخه ډډه کوله خو حافظ اسد اقلاً دومره شهامت درلود چی د عربیت د دفاع په لیاره کی د خپلو دښمنانو په وړاندی رښتینئ مقاومت وکړی او ګوند او طرفدارانو او کورنۍ ئې نن توانېدلې ده چی د سورئې د هیواد ماهیت او هویت ( که څه هم نیمګړئ او زخمی ) د نړیوال استعمار او د هغوی د مزدورانو له منګولو څخه تر ډېره خوندی وساتی.