تاند: ( دوشنبه، د جدي ديارلسمه) طالبان وايي، چې د پکتيا ولايت په ډنډ پټان ولسوالۍ کې يې ۴ تنه پاکستان ته د وسلو د قاچاق په تور نيولي دي.
د طالبانو په يوه اعلاميه کې راغلي، چې دغو کسانو سره ۳ ایم شپاړس امریکايي وسلې هم نیول شوي.
سرچينې د نیول شویو کسانو هويت او نور جزییات نه دي خپاره کړي.
د طالبانو له واکمنیدو سره پاکستان ته په افغانستان کې د امریکايي او ناټو ځواکونو د پاتې وسلو او تجهيزاتو د پراخ قاچاق او خرڅلاو خبرونه ورکول کېږي.
په دې قاچاق کې طالبان په لوړه کچه په لاس لرلو تورنیږي، خو دوی دا تورونه بې بنسټه ګڼلي.
د پاکستان يو شمېر رسنيو ويلي وو، چې طالبان د خپلو مالي اړتياوو لپاره دغه وسلې او تجهيزات پرې پلوري.