تاند- له نن څخه ۱۲ کاله پخوا د ۲۰۱۰ د جنورۍ په ۴ مه د متحده عربي امارات په دوبۍ کې د نړۍ تر ټولو دنګ اسمانڅوکی، برج الخلیفه رسماً پرانیستل شو.
برج الخلیفه له پرانیستل کېدو دا دی لس کاله وروسته هم د نړۍ تر ټولو لوړه ودانۍ ده.
دا اسمانڅوکی، چې ۱۶۲ پوړه لري او لوړوالی یې ۸۲۸ متره دی، د امریکا شیکاګو مېشتې کمپنۍ (Skidmore, Owings & Merrill) یې ډیزاین او طرحه جوړه کړې ده.
مخکې تر دې چې برج الخلیفه جوړ شي، د تایوان د پلازمېنې د تایپې اسمانڅوکی د نړۍ تر ټولو لوړه ودانۍ ګڼل کېده.
د تایپې اسمانڅوکې ودانۍ ۵۰۸ متره لوړه ده. د تایپې اسمانڅوکې ودانۍ یا د تایپې د نړیوالې سوداګرۍ مرکز د مځکې پر سر ۱۰۱ پوړه لري. په دې ۱۰۱ منزولو کې هغه پوړونه نه دي شمېر چې تر مځکې لاندې دي.
د دې اسمانڅوکې په جوړولو یو ملیارد او ۸۹۵ ملیون ډالره لګښت شوی دی.
په برج الخلیفه باندې په ۱۹۹۴ کې کار پیل شو او په ۱۹۹۹ کې د یو ملیارد ډالره په لګښت بشپړ شو.
برج الخلیفه، چې یو لوکس هوټل دی، ۱۹۷ اعشاریه ۵ متره لوړ دی.
د سعودي عربستان په جده کې پر یوه بل سامانڅوکي کار روان دی چې د برح الخلیفه ریکارډ به مات کړي.