تاند:( پنج شنبه، د جدي دويمه)د افغانستان د ملي امنيت پخواني رئيس رحمت الله نبیل خبرداری ورکړی، چې که په سيمه کې د ترهګرۍ خطر او ملاتړي یې مهار نه شي، تر راتلونکو دوو کلونو به د امریکا متحده ایالاتو پر خاورې او متحدينو بریدونه وکړلای شي.
نبیل دا څرګندونې د افغانستان د کورنیو چارو له پخواني وزير مسعود اندرابي سره د هغو خبرو د تاييد په بڼه کړي، چې وايي طالبان د پاکستان د پوځ په مرسته د القاعده او نورو نړيوالو ترهګرو ډلو غړو ته افغاني تذکرې او پاسپورټونه جوړوي.
نبیل په دغه اړه د مسعود اندرابي د ټويټ له ريټويټ کولو سره لیکلي، چې د ترهګرو پر ضد د اقداماتو د سختولو ډېره اړتيا لري لیدل کېږي.
د افغانستان د ملي امنيت شورا پخواني وياند مولانا رحمت الله اندړ هم د مسعود اندرابي معلومات تایید کړې او لیکلي: طالبان د القاعده او د نورو تروريستي ډلو غړو ته تذکري او پاسپورټونه ورکوي او د پنجشنبې ورځ چې دوی ځانته ځانګړي کړي، يو لامل يې همدغه دی.
د اندړ په وینا، د تېري شل کلنې جګړې لامل هم طالبان و، اوس يو ځل بيا د بلې خونړۍ جګړې اسباب تياروي او افغانستان يوځل بيا د تروريزم پر ځاله بدلوي.
د ملي امنيت پخواني رئيس رحمت الله نبیل په داسې مهال يادې څرګندونې کړي، چې څو مياشتې وړاندې د امريکا د دفاع وزارت سياسي مرستيال ويلي وو: داعش د افغانستان له خاورې په شپږو مياشتو او القاعده په دوو کلونو کې د امريکا پر ضد د بریدونو وړتيا پيدا کولای شي.
طالبانو د دوی پر ضد تازه ادعاوو ته کوم غبرګون نه دی ښودلی.
د دوی حکومت مخکې رد کړې، چې ګواکې له القاعده او نورو ترهګرو ډلو سره اړيکې لري.
د طالبانو وياندويانو په دې اړه د ادعاوو د ردولو باوجود، تر اوسه القاعده او نورې ډلې نه دي غندلي.
د طالبانو له واکمنیدو سره، له جلال اباد څخه د القاعده ډلې د یوه مشهور افغان غړي امین الحق د تاوده هرکلي هغه ویډیو ګانې خپرې شوې، چې پاکستان نه تر راستنيدو وروسته یې د طالبانو لسګونه غړي په بدرګه ولاړ وو.
هغې ویډیو ته امریکايي چارواکو غبرګون ښودلی او ویلي و، چې د طالبانو او القاعده ډلو تر منځ اړيکې له منځه نه دي تللي.
د کونډی ځوی او د کرزی باډیګارد بیا غواړی خلکو ته خپله خیټالوژی ښکاره کړی. نبیل بچیه ستا ټول تعلیمات په چټلیستان کی تر سره کړی دی، د افغانستان خلک تا پیژنی چه وخت نا وخت ډوزی او د کلمو ډزی ولی، ته په سپینه جامه کی هغه پاکستانی جاسوس یی چه تر اخره دیی د ولسمشر اشرف غنی حکومت او کار کردګی ټکولی، ته هغه بی حیا انسان یی چه اشرف غنی لمړی ځل پاکستان ته ولاړو او هلته یی د هغوی د فوځ د مشر سره سر سختی خبری وکړی، چه دغه خبری د چټلیستانی جنرالانو خوښی نشوی، چه په عین وخت کی ولسمشر اشرف غنی پاکستان کی وه، حتی افغانستان ته نه وه راغلی مګر تا حرامنمکی د کابل څخه د ای اس ای په مشوره او اشاره استعغآ ورکړه، او ټول پاکستان ته دیی ځمونږ ولسمشر خجالت او شرمنده کړه، ستا خبری او څیره افغانان پیژنی نور د خلکو وخت په بی ځایه خبرو مه ضایع کوه،
افغانان مو در په در کړه، الله ج مو داسی وشرموه لکه دا اوس چه په پردیو ملکونو کی ځانته ناست یاست او عصبی او ذهنی نکلیفونه مو اخستی دی