تاند:( پنج شنبه ، د قوس پینځه ویشتمه) د مرموزو هدفي وژنو د دوام په لړ کې، له غزني ولایت څخه د سلطان محمود په نوم د یوه خصوصي پوهنتون د رییس ډاکټر معراج وقار د وژل کیدو خبر ورکړل شوی دی.
ځایي سرچینې وایي، چې ډاکټر معراج شاوخوا درې اوونۍ وړاندې تښتول شوی وو، چې د سه شنبې په ورځ یې مړی موندل شوی دی.
د هغه کورنۍ د نورو امنیتي ګواښونو له وېرې په دې اړه خبرو ته نه ده حاضره شوې.
په غزني کې د طالبانو سیمه ییز چارواکي وایي، چې له دې پېښې نه دي خبر او معلومات ورڅخه نه لري.
پنځه څلوېښت کلن ډاکټر معراج وقار د غزني د قره باغ اوسېدونکی او د دغه ولایت په محرومو پښتنو سیمو کې د علم او فکر له خورونکو څخه و.
د چارشنبې په ورځ د بښنې نړیوال سازمان یو ځل بیا وویل، چې طالبانو په وروستیو کې د دغه ډول روښانه خلکو د مرموزو وژنو لړۍ چټکه کړې، چې مخنیوی یې باید وشي.
طالبانو په دې اړه راپورونه رد کړي او ویاندویانو یې تل ټینګار کړی، چې دوی د غچ اخیستنې لړۍ درولې او اوس خپل فکري مخالفان او نور خلک نه وژني.
له دې سره دغه ډله، چې اوس پر ټول افغانستان حاکمیت لري او د خلکو د سرومال خوندیتوب یې مسوولیت ګرځیدلی، د دغو وژنو عاملان نه روښانوي، چې د منتقدینو په خبره یې دا عملونه خپله همدوی کوي.
دا قدیانان له یوی خوا بی رحمانه وژنی کوی او له بلی خوا دا فتنه ناک او درواغجن د خپلو قتلونو څخه یا ځانونه بی خبره اچوی اویا ادعا کوی چی وژل شوی کسان د شخصی دوښمنیو له کبله صورت موندلۍ دی ، داځناوران د پخوا ځناورانو څخه بدتره دی او دوی د تعلیم او پر مخ تګ دوښمنان دی او نوموړی قاتلین د پنجابی پاکستان اوامرو تابع دی ، د ۴۲ کالو څخه زیاتو بد بختیو افغان ملت ددی رنګا رنګو قاتلینو څخه ځانونه نشی خلاصولۍ تر څو چی په خارجی ممالکو کښی منورین د افغان ملت موجودی تباهی ورک کیدو لپاره صادقانه سره متحد نشی نو دا دوزخی اور به په افغانستان کښی موجود وی !!!!
د تروریزم ټول هدفونه دا شل کاله پښتانه کادرونه وو او اوس هم دی، د انفجاری موخې د پښتنو دسیمو سړکونه، روغتونونه، مکتبونه وو او دی د انتحار قربانیان ټول پښتانه مشران او مخور وو اوس پیغور هم پښتنو ته ورکول کیږی چی ټول تروریستان همدا پښتانه دی خو یوو هم نه وایی چی د تروریزم اصلی قربانیان پښتانه دی دا څه حال دی دا میډیا دی لږ دا موضوع روښانه کړی ځه شو یون صاحب چی په دی هکله لږ خبر وکړی د غنی پر وخت خو یی ډیر انتقادونه کول او داسی دا نور ولی چوپه خوله دی ؟