تاند:( شنبه، د قوس شپږمه) د هند د ځمکپېژندنې ادارې د افغانستان د شمالي ولایت تخار مرکز تالقان ښار ته نیږدې د زلزلې خبر ورکړی.
دغې ادارې ویلي، چې یاده زلزله نن سهار د افغانستان په وخت ۶:۳۷ دقیقې شوې او شدت یې د ریختر په کچه ۴،۴ درجې وه.
ویل شوي، چې د زلزلې مرکز د تالقان ښار په ۵۳ کیلومترۍ کې و.
تراوسه له دې زلزلې څخه د زیانونو د اوښتو په اړه کوم خبر نه دی ورکړل شوی.
د دې زلزلې د ځاني او مالي زیانونو په اړه لا کومه وړاندوینه هم نه ده شوې.
ځایي خلکو او رسنیو په دې تړاو تراوسه څه نه دي ویلي.
د افغانستان ډېرې زلزلې معمولاً د هندوکش غرونو په لړۍ کې وي، چې ډېر ځله ترې د ځاني زیان راپور نه ترلاسه کیږي.