تاند:( چار شنبه، د عقرب شپږ ویشتمه ) په کندوز کې اوړمه شپه انسان تښتونکو د جلدي ناروغیو یو مشهور ډاکټر هوشنگ رستاقي اختطاف کړی دی.
ځایي سرچینو ویلي، چې دغه ډاکټر له خپل کور څخه چې د ښار په پينځمه ناحیه کې موقعیت لري، د شپې له لوري وړل شوی دی.
د ډاکټر د کورنۍ غړو ویلي، چې د انسان تښتونکو یو میل وسله هم د دوی په کور کې پاتې ده.
د نوموړي د تښتول کیدو په اړه ځایي چارواکو رسنیو ته څه نه دي ویلي.
په وروستیو کې د هېواد له مختلفو ولایتونو څخه د مشهورو ډاکټرانو، سوداګرو او پانګوالو د تښتول کیدو خبرونه ورکول کیږي.
په ځینو مواردو کې د تښتول شویو کسانو د ژغورل کیدو او په تور یې د یو شمېر کسانو د نیول کیدو خبر هم ورکول کیږي.