تاند:( شنبه، د عقرب اتمه) د بريتانيې د بهرنيو چارو وزيرې اعلان وکړ، چې نهه ویشت همجنسباز افغانان پرون د دوی خاورې ته ورسیدل.
وزیرې لیز تراس وويل، چې د همجنسبازانو د حقونو د سازمانونو په مرسته له افغانستانه وایستل شول.
وزيرې وویل، د دې کسانو د ایستلو په برخه کې یې مهم رول لوبولی او له افغانستانه به د هغو افغانانو د راایستلو لپاره خپلو هڅو ته دوام ورکړي چې هلته یې ژوند په خطر کې دی.
د افغانانو په دې همجنسبازه ډله کې زده کوونکي او مدني فعالان هم شامل دي.
د بریتانیا د بهرنیو چارو د وزارت په بیان کې راغلې دي چې دا هغه طبقه ده چې په افغانستان کې د طالبانو د واکمنۍ پرمهال تر بل هر چا له ډير تبعیض سره مخامخ دي او زورزیاتی ورسره کیدای شي.
طالبانو بيا ټينګار کړی ، چې هيچا ته يې ګواښ نه دی پېښ کړی.
ويل شوي، چې دې ډلې لسګونه زره نورو هغو کسانو ته هم له ګواښه ډک چاپيريال رامنځته کړی، چې د مخکيني نظام د امنيتي، عدلي، قضايي، مطبوعاتي او نورو برخو اړوند وو.
په دې برخه کې د ځينو هدفي وژنو خبرونه هم ورکړل شوي دي.
زموږ هیواد کې ژوند خلکو باندی دومره سخت شوی چې د وتلو پخاطر ځینې پر خپل ځان هرڅه تپي ، د دی لپاره چې له هیواد نه ووځي، ځینې ځان عیسوي او ځینی هم ، هم جنسباز دا ټول يوازی د وتلو لپاره په هر حال که د دوي دا ادعا رښتیا هم وي دا ۲۹ کسه زموږ د خلکو په خبره (بدفعله ) د یو سلو دیرش زره کسانو په پرتله چې هیواد نه وتلي اصلا په هیڅ حسابیږي، زموږ ډیری هیوادوال د خطر او ناوړه شرایطو له کبله مجبور شوي دي هیواد پریږدي خو طالب ډنډورچيان به اوس د دی خبر له خپریدو نه وروسته ادعا وکړي چې وګورئ موږ خو ویل چې هیواد نه داسی کسان وځې او دا خبر د ټولو هغو هیواد والو رنګه هم بدوي چې هیواد یې پریښې یا وروسته به له هیواد نه له مجبوریت نه ووځي نو د پورتنې دلایلو پر اساس زما په نظر دا خبر د خپریدو ارزښت نه درلود.