چهارشنبه، د عقرب ۵مه) د کرکټ د نړیوال جام سیالیو په دوام کې د چهارشنبې په ورځ نامیبیا، سکاټلنډ ته او انګلنډ، بنګله دېش ته ماتې ورکړه.
په لومړۍ مسابقه کې انګلیستان له بنګله دېش سره مخامخ شو. بنګله دېش په ۲۰ اورونو کې د ۹ لوبغاړو د سوځېدو په بدل کې ۱۲۴ منډې وکړای شوې چې د انګلیستان په شان د پیاړې لوبډلې لپاره لږ منډې وې.
انګلیسي لوبغاړو دا هدف د ۲ لوبغاړو د سوځېدو په وړاندې په څوارلسم اوور کې پوره کړ او لوبه یې په ۸ ویکټونو او ۳۵ توپونو وګټله.
په دوهمه سیالي کې سکاټلنډ د ۸ لوبغاړو د سوځېدو په وړاندې ۱۰۹ منډې وکړای شوې خو نامیبیا په نولسم اوور او لومړي توپ په داسې حال کې چې ۶ لوبغاړي یې سوځېدلي وو، بری ترلاسه کړ.
د پنجشنبې په ورځ به استرالیا له سریلانکا سره مخامخ شي او بنګله دېش به د جمعې په ورځ له ویسټ انډیز سره سیالۍ ته ووځي.
تراوسه پورې بنګله دېش او ویسټ انډیز تر ټولو کمزورې لوبې نندارې ته وړاندې کړي دي.
د افغانستان د لوبډلې مسابقه به هم د جمعې په ورځ له پاکستان سره وي.