تاند:( چارشنبه، د ميزان اته ويشتمه) د کابل ښار په دهمزنګ سیمه کې نن د يوې درنې چاودنې غږ اوریدل شوی دی.
د طالبانو د کورنيو چارو وزارت وياند قاري سعید خوستي رسنيو ته ويلي، چې دغه چاودنه پر يوه موټر د لاسي بم د غورځولو له کبله رامنځته شوې ده.
سرچينې په پېښه کې د دوه تنو ټپي کیدل تایید کړي.
معلومه نه ده، چې ياد شوی موټر د چا اړوند و او ولې د برید هدف ګرځول شوی دی؟
د پېښې مسووليت هم چا په غاړه نه دی اخیستی.
عیني شاهدانو ویلي، چې د چاودنې غږ ډېر لوړ و او دوی د ډېرو زیانونو فکر کوي.